Hripui vei hmuh thar 67 zingah tualchhunga kái 43 an awm

November 12, Ningania Mizorama Covid-19 vei hmuh chhuah mi 67 zingah Mizoram chhunga kái chhâwng mi 43 an awm a; an zingah káina hriat loh mi pakhat leh natna lang chhuak (symptom lang) mi pathum chiah an awm.

Sorkar thuchhuaha a lan danin, tualchhunga hripui kái mi 43-te chu Aizawla veng panga leh zirna-in pahnih - Staines Memorial School hostel leh RIPANS-a mite an ni. Staines Memorial School-a khung hran laite zinga hripui vei mi 32 hmuh chhuah thar niin, an sikul aṭanga inkài chhâwng nia hriat a ni a, natna lang chhuak an awm lo thung.