CADC ṭhiah chungchang CYMA-in zir chian zel an tum

YMA Central Executive Committee (CEC) member-te nimina CYMA Committee Room-a ṭhu-khawm chuan, dan loa 'Din Chakma Autonomous District Council dan hmanga ṭhiah ni rawh se' tia General Conference 2017-a an rel tawh chungchangah, hmalak dan tur leh bawhzui dan tur zir chiang­ tura CYMA President kaihhruai Sub-Committee report an sawiho a, a ṭul anga la zir chian zel an rel.

Central YMA meeting hi president Vanlalruata'n a kaihruai a; Mizorama sik leh sa lo danglam ṭhin chungchangah Environment, Forest & Climate Change department nen ṭang dunin a remchan dan anga 'Awareness Programme on Climate Change' neih ni se, an ti a; 'The Mizoram Drugs Treatment-cum-Rehabilitation Centre Accredition Rules 2018' chungchangah, a nghawng turte ngaihtuahin a ṭul angin a changtu minister sawipui an rel bawk.