Bamboo link road sawiho

Nimin khan chief minister Zoramthanga hoin Chief Minister's Office conference hall-ah Bamboo Development Board leh Bamboo Link Road Board chungchang sawiho a ni.

Ṭhutkhawma tarlan danin, mau tam tak awm mah se, a sawngbawlna (processing plant) thlenga phur turin kawng mumal a awm lo a, mau hralh man aia a phurh man a tam zawk ṭhin avangin mau hralhtute tan a hlâwk lo a, processing plant lamin a tawrh phah ṭhin niin an tarlang.

Harsatnate sukiang turin Chief Minister leh Planning department hotute'n sorkar laipui hotute bamboo link road siam a ṭul dan an sawipui tawh a; sorkar laipui pawhin bamboo link road siam tura project duang tur leh sum pekna tur pawh ngaihtuahho zui tur a nih thu sawi a ni bawk.

Bamboo link road siam­na hmun tur enfiah­tu board member-te chu hlawm hrangah insiam­in, hmun hrang hrang an tlawh tawh. Board member-te chuan ṭhutkhawm­ah hian report an pe a, pilot project atana hmalak hmasak theihna tur remchanga langte an sawi a ni.