Governor leh ZEDA hotute inkâwm

Zoram Energy Develop­ment Agency (ZEDA) hotute chuan nimin khan Raj Bhavan-ah Governor Hari Babu Kambhampati an kâwm a; Raj Bhavan tana ni zung (solar) chakna hmanga kawlphetha 70kWp siamna SPV Power Plant bun leh Mizorama ni zung chakna hmanga kawlphetha siam chhuah chungchang an sawipui.

Governor chuan, "Mizoram mipui tam zawkin ni zung chakna hman ṭangkai an la tum chiah lo nia a lan avangin ZEDA leh PE department-te'n mipui zirtirna thiam tak leh uar zawka in kalpui a ngai," a ti a; solar power siamna atan offgrid aiin grid-connected system a pawimawh zawka a hriat thu a sawi.

ZEDA hotute tarlan danin, subsidy 90%-in VC-te'n solar street light an lei thei a, offgrid solar PV power plant subsidy 90% hmangin sorkar pisa leh mipui vantlang hmunahte eng chhit theih a ni. Pawl 10 leh a hnuai lam zirlai tan subsidy 85%-in solar lamp lei theih a ni bawk.