2021 chawhma lamah India-ah Covid-19 damdawi a awm beisei

Chief secretary Lalnunmawia Chuaungo hoin nimin khan CS Conference Hall-ah State Steering Committee on Covid-19 Vaccination an ṭhukhawm. India ramah kum 2021 chawhma lamah Covid-19 damdawi (vaccine) a awm tawh beisei a nih thu leh, a awm huna dahṭhatna tur hmun (cold chain point) leh sem chhuah dan turte an sawiho a ni.

Lalnunmawia Chuaungo chuan, Covid-19 vaccine chungchangah state dang zawng aia hma la ṭha nih tum turin Health department leh member kal khawmte a chah.

Health secretary H Lalengmawia chuan, khawvel ram hrang hrangah vaccine siam chhuah tuma buaipui mek a nih thu leh, kum 2021 chawhma lamah chuan India ramah vaccine a awm tawh a beisei awm thu a sawi.

National Health Mission (NHM) mission director Dr Eric Zomawia'n 'Brief overview of Covid-19 vaccination and guidelines for creation of HCW database for Covid-19 caccination' tih thupui a sawi.