Health Care Scheme-a Inziah luh dan tur rêl

Mizoram State Health Care Society (MSHCS) Governing Body chu nimin khan chief minister Zoramthanga hoin CMO conference hall-ah a vawi 26 nan an ṭhu a, kum 2022-23 chhunga policy hnuaia inziah luh chungchang an rêl.

MSHCS kal mek chu March 31, 2022-ah a tàwp dawn a, chumi hnuah a thara inziah luh leh tur a ni. MSHCS chu ABPM-JAY nen thil tam takah kal kawp a nih avangin Health Care Scheme pawh NFSA Act, 2013 data behchhana inziah luh ni se, an ti.

Health Care Scheme-a inziah luh man (enrolment fee) chu AAY (card eng) tan Rs 200, PHH (card pâwl) tan Rs 1,000 leh mi dang zawng (card var) tan Rs 2,000 ni se, an ti bawk.