Vantawng Khawhthla thlirna chei ṭha

Vantawng Group YMA hruaitute chu July 28, Inrinni khan Thenzawl leh Buangpui dáia Vantawng Khawhthla thlirna leh a chhehvelte tifaiin an hnatlang a, tui khawthla thlirna in rawng an hnawih ṭha nghal.

Vantawng Khawhthla hi Thenzawl aṭanga km. 9 vela hláa awm, Aizawl-Lunglei World Bank Road aṭanga km. 2.50 vela hláa awm a ni a; tunlai hi tui tam lai leh tui khawthla a hmuhnawm vanglai a nih avangin, entu anṭhathnem lai a ni.

Vantawng Khawhthla thlirna hmunah hian kum 1995 khan Tourism department chuan in (tower) an sa a, mahse, enkawl zui loh leh a ṭhat tawk tawh loh avangin Vantawng group YMA chuan Inrinni khan a tihfai leh chei ṭhat hnatlang an ko a ni. Hnatlangah hian Vantawng group YMA hruaitute leh an huam chhunga YMA branch hruaitu mi 40 vel an thawk chhuak.

Vantawng Group YMA hruaitute chuan, Van­tawng Khawthla thlirna hmunhmáte chu dimdawi tur leh tichhetu ni lo a, a chhe tur venpuitu ni turin mi tin an ngen a ni.