Raju-a lirthei registration titawp turin sorkar an ngen

ZPM Ṭhalai chuan nimin khan thuchhuah siamin, Mizo mipuite chu Lailapur sumdawng Raju-a dàwr tawh lo turin an ngen a; Raju-a'n Mizorama lirthei registration a neih pakuate chu tihtawp (cancel) vek turin Mizoram sorkar an ngen bawk.

ZPM ṭhalaite chuan, Lailapur-a sumdawng Raju-a chu ramri buai chungchanga a meizang hlaptu ber a nih thu sawiin, "Raju-a motor-te hi Mizorama kan sumdawngte pawhin lo chhinchhiah a, dawr lo turin kan ngen a, Lailapur-a a dàwr aṭang pawhin a bungrua lei tawh lo turin Mizo mipui kan ngen a ni," an ti a; Mizote hmusittu chu Mizote'n a sumdawnna siam lenpui an bat loh thu an sawi.

Kolasib leh Aizawl district-a Raju-a'n lirthei registration a nei chu thil dik lo a nih thu sawiin ZPM Ṭhalai chuan, "Cancel vek turin thuneitute kan ngén a ni," an ti.

Raju-a'n Mizoram lirthei registration a neihte chu - MZ01 T-8159,  MZ09A 2712, MZ05A 2884, MZ05A 2885, MZ05A 2955, MZ05A 3067, MZ05A 3127, MZ05A 5383 leh MZ05A 5771-te a ni.