Dan anga sumdawnna kalpui phût

YMA Sub-Headquarters, Champhai chuan thuchhuah siamin, khawchhak lam aṭanga bungraw rawn lut hmanga sumdawngte chu dan ang taka an sumdawnna kalpui tura an beisei thu an tarlang.

Champhai YMA chuan, Champhai chu tun hma aṭanga tun thlengin sumdawnna hmunpui a ni tih sawiin, "Dan kengkawhtute'n khawchhak bungrua hmanga sumdawnna chungchangah dan ang taka thupek kengkawh turin kan beisei a ni," an ti a; Zokhawthar Border Trade chu dan ang taka kalpui a nih theih nan a rang thei ang bera hma la turin sorkar an phût.

Champhai Sub-Hqrs YMA chuan, tun hnaia sumdawngte leh Champhai DC inkara inhmuh thiam lohna awm chu pawi an tih thu leh tun hnuah thleng tawh lo se an duh thu an tarlang bawk.