Faina lama inelna tur hawng

Thingtlang khaw fai inelna Swachh Survekshan Grameen (SSG) 2018 chu nimin khan Kolasib district-a kalpui ṭan turin DC conference hall-ah district bawrhsap Dr Arun T-in a hawng.

Dr Arun T chuan, faina chu mihring nunphung hriselna atana pawimawh ber pakhat a nih thu sawiin, "Tun ṭuma fainaa inelna hi intihsiakna rilru ringawt ni loin, mipuiin faina chu rilru leh tihtak zeta kan ngaih pawimawh a hun tawh a, inelna hi faina kawnga hma min sawntirtu a nih theihna atan ṭan i la ang u," a ti.

Swachh Survekshan Grameen hi July 13, 2018 khan Ministry of Drinking Water & Sanitation chuan an hawng a, Swachh Bharat Mission (Gramin) hnuaia thingtlang khua faina kawnga an dinhmun endikna leh nihna (national ranking) pekna tura duan a ni. Programme hnuaiah hian India ram chhunga state, district leh village fai ber thlan a ni ang.