Doctor 36 lakna tur buaipui mek

Health & Family Welfare department chuan thuchhuah siamin, sorkar damdawi-in hrang hrangah doctor indaih lohna nasa tak a awm tih a tarlang a, doctor 36 lak tharna tur buaupui mek a nih thu an puang.

Health department chuan, sorkar damdawi-ina doctor indaih lohna nasa tak a awm mek chu pawi an tih thu sawiin, "Indaih lohna sukiang tur hian doctor 36 lak theihna turin DPAR leh Finance department-ah phalna dil mek a ni a, hmuh thuai beisei niin, a rang thei ang bera lak tum a ni," an ti.

Sorkarin doctor indaih lohna phuhru turin theihtawpin hma a la reng a, indaih lohna vanga department-in harsatna a hmachhawn mek chu hriatthiampui turin Health department chuan mipuite an ngen a ni.