National Mathematics Day hmang

Mizoram Science, Technology & Innovation Council (MISTIC) leh Mizoram Mathematics Society (MMS) chuan nimin khan Mizoram Rural Bank auditorium-ah National Mathematics Day an hmang a, Planning secretary Lalmalsawma Pachuau-in a hmanpui.

Inkhawm hi MISTIC member secretary H Lalsawmliana, chief scientific officer-in a kaihruai a; Lalmalsawma Pachuau chuan, mathematics chu chiang taka thiam tura zir a ṭul thu leh competitive exam hrang hranga tling thei turin mathematics a pawimawhzia a sawi a, zirlaite mathematics-a an tui zel theih nan ṭan la turin MISTIC leh Mizoram Mathematics Society-te a chah.

National Mathematics Day hmannaah hian Mizo zinga mathematics subject-a doctorate degree nei tharte an chawimawi a; MMS leh MISTIC-te'n kum tina an huaihawt ṭhin Mathematics Competition lawmman an sem bakah, pawl 5, 8, 10 leh 12-a inelna huaihawta ti ṭhate hnenah chawimawina an hlan bawk.