535 thi tawh

Nimin khan tlai dar 5 thlengin Covid-19 vangin mi pahnih an thi a, natna dang nei tel ve ve an ni. Mizoramah Covid-19 vangin mi 535 an thi tawh a, tun December thla bikah mi 38 an thi tawh.

Nimin zing dar 8 khan Hrangthanga Colney (81), Zarkawt chu hripui vangin State Refferal Hospital-ah a thi a, Covid-19 vei a ni tih December 10 khan hmuh chhuah niin, December 12 aṭangin SRH-ah enkawl a ni.

Rintluanga (70), Ṭhiak, Aizawl district pawh nimin chawhnu dar 1:25 khan SRH-ah a thi a; Covid-19 positive a ni tih November 28 khan hmuh chhuah niin, SRH-ah dah luh nghal a nih thu sorkar thuchhuakin a tarlang.