Minister hlui Hrangthanga vui a ni

Mizoram minister hlui Hrangthanga Colney (81), Zarkawt chu nimin zing dar 8 khan Covid-19 leh natna dang vangin State Referral Hospital-ah a thi a, a nupui Lalthlamuani leh a tu leh fate a kalsan. Nimin tlai dar 3 khan Zarkawt Presbyterian Kohhran Centenary Hall-ah vui a ni.

June 1, 1940-a piang Hrangthanga hi thiamna lamah BA a ni a; kum 1993-a Assembly inthlanpuiah khan Khawbung bialah independent (Mizoram Janata Dal)-in a ding a, thlan tlin a ni. MJD (independent) leh Indian National Congress-te'n sorkar inṭâwm an siamah cabinet minister niin, Industries, Excise leh Taxation department-te a enkawl a ni.