Covid-19 sawiho

Health minister Dr R Lalthangliana hoin nimin khan Secretariat conference hall-ah sorkar leh pawl hruaitute'n Mizorama Covid-19 dinhmun an thlirho a; Mizo zingah co-morbid condition (zunthlum, thisen sang, adt.) nei an tam avangin fimkhur a ngaih thu an sawi. Ṭhutkhawma tarlan danin, ZMC-a genomic sequencing laboratory din chu enchhin a ni tawh a, test result-te chu National Institute of Virology (NIV), Pune-ah thawn niin, phalna dawn a nih hma chuan official-a genomic sequencing tih theih a ni rih dawn lo.