Gas lakin cash memo lak tur

Food, Civil Supplies & Consumer Affairs director Ramdinliani chuan eirawngbawlna gas semtu (distributor) leh gas latu (consumer)-te zawm tur hriattirna a tichhuak a; gas latuin distributor hnen aṭangin cash memo lak ṭhin tur a nih thu a tarlang.

Distributor & Consumer-te hriat tur:

1. Gas sem dawnin distributor-ten bûkna (digital weighing scale) an kengin an hmang ngei tur a ni.

2. Veng chhunga gas sem leh home delivery turte'n bûk tling ngei an sem tur a ni.

3. Gas búr khat hi kg. 14.2 a tling tur a ni a, Legal Metrology (Packaged Commodities) Rules 2011-in a bituk angin gram 10 aiin a tlem emaw, a tam emaw tur a ni lo.

4. Distributor-te'n an gas sem bûk a tling lo a nih chuan a tlin lohna zat man consumer-te hnenah an pe tur a ni.

5. Gas latute'n distributor hnen aṭangin cash memo a la ṭhin tur a ni.

6. Consumer-te'n gas chungchanga harsatna emaw, zawhfiah ngai emaw an neih chuan distributor-te'n ṭha taka lo dawngsawngin an hriatthiam lohte an hrilhfiah ṭhin tur a ni.