Urlâwk ní-ah Aizawl bazar a lûn

Nimin kha Krismas urlâwk ní a ni a, Aizawl khawpui khawlai leh bazarte a lùn hle. Sumdawngte chuan ni dang ai chuan niminah khan an inhralh ṭha zawk a, nikum aiin an inhralh tha zawk tih an sawi.

Aizawl bazapuia sumdawngte chuan, Krismas urlâwk nia bazarah ni dang aiin an inhralh tha zawk tlangpui tih an sawi a; nikum Krismas vuakvêtah aiin kumin Krismas dawnah an inhralh tha zawk tih an sawi bawk.

Covid-19 hripui léng la reh lo mahse chhun lamah chuan Aizawlah nunphung a pangngai titih tawh a, tun December thla tir lam atangin Aizawl khawpui lûn laiah traffic a jam nasa a, Krismas dawn hnaiah phei chuan traffic jam a nasa zual hle. Aizawl New Market-ah pawh mamawh leia kal an tam hle a ni.