Serchhip district-ah dan loa kuhva lak luh leh phurh khap

Serchhip bawrhsap Kumar Abhishek chuan nimin khan thupek tichhuakin, Serchhip district-ah dan loa kuhva lak luh leh phurh khap a nih thu a puang.

Bawrhsap chuan, Serchhip district-a khaw hrang hrangah dan loa kuhva phur lirthei an kal ṭhin tih hriat a nih thu a tarlang a; dan loa kuhva phurh a rêm theih nan khapna thupek chhuah a nih thu a tarlang.

Khapna hian thla hnih chhung a huam dawn a, dan zâwm lote chu dan anga hrem theih an ni.

Hriat theih chinah Serchhip bakah hian Champhai, Khawzawl leh Saitual district magistrate-te'n an district chhungah dan loa kuhva lak luh leh phurh kual khapna thupek an lo tichhuak tawh a ni.