COVID-19 vei enkawl mek zat a tlahniam zel

December 26, Pathianni khan Mizoramah Covid-19 vei mi 72 hmuh chhuah a ni a, nimin December 27 khan hripui vei dam tawh mi 148 chhuahtir niin, Covid-19 vanga thi an awm lo.

Covid19 vei Pathiannia hmuh tharte chu RAT hmanga hmuh chhuah mi 64 leh FIA hmanga hmuh mi pariat an ni. Mizoramah hripui vei enkawl mek mi 1,251 chiah an awm tawh a, hripui vei hmuh tawh zawng zawng atangin 0.89% chiah a ni tawh.

Hripui vei dam tawh nimina chhuatir mi 148-te chu Aizawl district atanga chhuak mi 95, Khawzawl district atanga chhuak 21, Saitual district atanga chhuak pakua, Lunglei, Siaha leh Serchhip district atanga chhuak pasarih theuh leh Hnahthial district atanga chhuak mi pahnih an ni.

COVID19 KHAIKHAWMNA
27.12.2021(11:30 PM)

26.12.2021-a sample test : 689

26.12.2021-a positive zat : 72

26.12.2021-a positivity rate : 10.45%

27.12.2021-a thi : 0

27.12.2021-a chhuak zat : 148

Sample test tawh zawng zawng : 14,97,497

Positive tawh zawng zawng : 1,40,564

Chhuak tawh zawng zawng : 1,38,774 (98.73%)

Thihpui tawh zat : 539 (0.38%)

Enkawl mek : 1,251 (0.89%)

Source: IDSP