Hripui vei tawh aṭanga thi zat 0.38%

29th December, 2021

Nimin khan tlai dar 5 thlengin Covid-19 vanga thi pakhat a awm a, Mizorama Covid-19 vanga thi chu 541 an tling tawh.

Mizorama nimin tlai dar 5 thlenga hripui vanga thi 541 hi hripui vei hmuh chhuah tawh zawng zawng 1,40,748 aṭangin 0.38% a ni.

Lalbiakzuali (62), Serkhan chu nimin chawhma dar 11:10 State Refferal Hospital-ah a thi a, natna dang nei tel a ni. December 13 khan hri a vei tih hriat chhuah niin December 17 khan SRH-ZMC ah admit a nih thu sorkar thuchhuakin a tarlang.