Minister in Heritage Walk vailiam

Tourism department chuan Winter Festival 2021 pualin Ngaizela K Lalnghakliana Filling Station leh Lungleng Lal In inkarah Heritage Walk an buatsaih a, nimin zing khan Tourism minister Robert Romawia Royte in a vailiam. Heriatage Walk-ah hian km 18.2 a thui ke a kal tur niin mi 217 an tel a ni.

Robert Romawia Royte chuan a vawikhatna atana Tourism department-in Heritage Walk a buatsaih chu lawmawm a tih thu a sawi a, kum tina neih ṭhin a nih tur thu a puang nghal bawk.

Heritage Walk-a tel tur hian mi 340 an inziaklut a, a taka tel thei erawh mi 217 an ni. Mipa category-a pakhatna Lalmuansanga, Ramhlun South in Rs 20,000, pahnihna Zonunzira, South Lungpher in Rs 15,000, pathumna PC Remruatdika, Lunglei Ramthar in Rs 10,000 leh mi 10 hnenah consolation prize pek a ni.

Hmeichhe category-a pakhatna Lalengzauvi , Lungleng in Rs 10,000, pahnihna Elizabeth Lalmuansangi, Ramthar veng in Rs 7,000, pathumna Malsawmzuali, Hlimen in Rs 5,000 leh mi 10 hnenah consolation prize pek a ni bawk.