CM leh MPS hruaitute an inkawm

Mizoram Police Service Association (MPSA) hruaitute chuan nimin khan chief minister Zoramthanga chu a pisaah an kawm a, hmasawnna tur rahbi hmachhawp hrang hrang an sawiho.

CM Zoramthanga chuan, "Mizoram mipuite ralmuang leh thlamuang taka kan awm theihna chu theihna zawng zawng Mizoram Police-ten an chhuah vang ti ila ka sawi sual hauh lo ang. India rama state ralmuang ber leh remna leh muanna kawnga ram tam tak entawn kan nih theihna tura venhim hna hneh taka thawktu police-te'n in thiamna leh finnate Mizoram tan hmang zel ang che u," a ti a, MPSA-te chu duhsakna a hlan nghal a ni.