Halpuah/halmawi hal mi paruk man

2nd January, 2022

Aizawl District Police-te chuan December 31, 2021 aṭanga January 1, 2022 chhungin halpuah leh halmawi hal mi paruk an man.

Police hotute hnen atanga Vanglaini thudawn danin, halpuah leh halmawi hal mi paruk an mante hi thubuai siam sak an ni. Mi paruk bakah hian midang chhui chian mek an awm a, chungte chuan halpuah leh halmawi an hal tih finfiahna a awm a nih chuan man leh an ni ang.

Tarlan tawh angin halpuah etc. hi hal khap nimah se, Aizawl khawpui chhungah kumhlui thlah zan khan halpuah leh halmawi ri hriat tur leh hmuh tur a tam hle a ni.

Hetihlai hian kumhlui thlah zan hma khan Aizawl District Police-te hian halpuah, halmawi leh silai lem a mu kap chhuak thei zuar mi 15 manin, thubuai an siam sak bawk.

Kumhlui thlah zanah halpuah, halmawi etc. khapna thupekin zawm a hlawh lo tih loh chu dan bawhchhiatna liantham thleng a awm hriat a ni lo thung. Police-te chu Aizawl khawpui hmun 20 leh Aizawl khawpui luh tanna hmun 6-ah an duty a ni