Minister-te'n MSSC Complex tlawh

Mizoram State Sports Council (MSSC) Complex, Muallungthua sak mek chu nimin khan Power minister R Lalzirliana, Sports minister Robert Romawia Royte leh bialtu MLA Prof. F Lalnunmawia-te'n an tlawh.

MSSC Complex-ah hian hockey synthetic ground leh football synthetic ground-te siam mek a ni a, heng phul lem field pahnihte hi Khelo India Scheme aṭanga sum hmuh cheng nuai 1,050 senga sak zawh tura ruahman a ni.

Muallungthu VC leh GSA-te chuan hnathawh dan ṭha an tih an sawi a; khaw chhunga GSA volleyball court siam an lo dilna chu minister pahnih leh bialtu MLA-te chuan field pahnih siam pahin zana inkhelh theiha siamṭhat sak an tum tur thu an hrilh a ni.