Mizoramah hri vei hmuh thar leh enkawl mek percentage pung zel

December 31, Zirtawpni khan Mizoramah Covid-19 vei mi 265 hmuh chhuah a ni a, nimin khan tlai dar 5 thlengin hripui laka fihlim tawh mi 102 chhuah tir an ni a, hripui vangin mi pakhat a thi.

Zirtawpni khan sample 1,351 endik aṭangin hri vei 265 (19.62%) hmuh chhuah a ni a, nimin tlai dar 5 thleng khan Mizoramah hripui vei enkawl mek 1,735 an awm a, hri vei hmuh chhuah tawh aṭangin 1.22% a ni. Hri vei hmuh chhuah leh enkawl mek zat hi a pung chho leh mek.

Nimin khan tlai dar 5 thlengin district panga aṭangin hripui laka fihlim tawh mi 102 chhuahtir an ni a, hripui vanga thi pakhat a awm.

Zirtawpnia hri vei hmuh tharte chu ZMC laboratory-a hmuh chhuah mi 17, TrueNAT hmanga hmuh 31 leh RAT hmanga hmuh 217 an ni a, FIA hmanga endik an awm lo.

COVID-19 KHAIKHAWMNA

_1.1.2022 (8:00 PM)_

31.12.2021-a sample test : 1,351

31.12.2021-a positive zat : 265

31.12.2021-a positivity rate : 19.62%

1.1.2022-a thi : 1

1.1.2022-a chhuak zat : 102

Sample test tawh zawng zawng : 15,08,308

Positive tawh zawng zawng : 1,41,665

Chhuak tawh zawng zawng : 1,39,488 (98.46%)

Thihpui tawh zat : 545 (0.38%)

Enkawl mek : 1,735 (1.22%)

Source: IDSP