Covid-19 vanga thi 545 tling tawh

Nimin khan tlai dar 5 thlengin Covid-19 vanga thi pakhat a awm a, December 31 zana thi pakhat a awm bawk; an pahnih hian natna dang nei tel ve ve an nih thu sorkar thuchhuah in a tarlang.

Nimin tlai dar 5 thleng khan Mizoramah Covid-19 vanga thi 545 an awm tawh a, heng zinga 448 (82.20%) chu natna dang nei an ni.

December 31, 2021 zan dar 8:10 khan C Pawlliana (72), Chhiahtlang chu State Refferal Hospital-ah a thi. December 24 khan hri a vei tih hriat chhuah niin hemi ni vek hian admit nghal a ni.

Ronguri (76), Electric Veng, Champhai chu nimin zing dar 2:20 khan Champhai DCHC-ah thi a, hripui a vei tih December 28 khan hriat chhuah a ni.