Covid-19 hri vei 84 hmuh belh

January 1, Inrinni khan Mizoramah Covid-19 vei mi 84 hmuh chhuah a ni a, nimin khan tlai dar 5 thlengin hripui lak fihmlim tawh mi 135 chhuah tir an ni a, hripui vanga thi an awm lo.

Inrinni khan Mizoramah sample 510 endik aṭangin hri vei 84 (16.47%) hmuh chhuah a ni a, mipa 31 leh hmeichhia 53 an ni.

Nimin tlai dar 5 thleng khan Mizoramah hripui vei enkawl mek 1,580 an awm a, hri vei hmuh chhuah tawh aṭangin 1.11% a ni. Nimin khan December 30, 2021-a Covid-19 vanga thi pakhat tarlan thar a awm bawk.

Inrinnia hri vei hmuh tharte chu TrueNAT hmanga hmuh 1 leh RAT hmanga hmuh 83 an ni a, FIA hmanga endik zingah hri vei an awm lo a, ZMC laboratory-ah sample endik a awm lo.

COVID-19 KHAIKHAWMNA
_2.1.2022 (8:00 PM)_

1.1.2022-a sample test : 510

1.1.2022-a positive zat : 84

1.1.2022-a positivity rate : 16.47%

2.1.2022-a thi : 0

2.1.2022-a chhuak zat : 135

Sample test tawh zawng zawng : 15,08,818

Positive tawh zawng zawng : 1,41,749

Chhuak tawh zawng zawng : 1,39,623 (98.50%)

Thihpui tawh zat : 546 (0.38%)

Enkawl mek : 1,580 (1.11%)

Source: IDSP