Kumthar lawmna ruai an ṭheh

Nimin khan Mizoram hmun hrang hrangah kumthar lawmna ruai ṭheh a ni. Hmun ṭhenkhatah chuan kumthar lawmna ruai hi January 1, 2021 khan ṭheh a ni thung.

Aizawlah chuan Covid-19 avangin koh­hranin kumthar lawmna ruai an buatsaih meuh lo a, ruai buatsaih tlem a zawng erawh an awm. chhungkua leh colony-a ruai ṭheh erawh eng emaw zat an awm thung. Thingtlangah erawh Krismas ang thoin hmun hrang hrangah kumthar lawmna ruai hi ṭheh a ni.

Kumthar lawmna ruai hi kumthar niah ṭheh an awm laiin, ṭhenkhat chuan a tukah an ṭheh ṭhin thung a; kuminah erawh kumthar tuk Pathianni a nih avangin kumthar lawmna ruai ṭheh tam zawk chuan nimin, Thawhṭanni khan an ṭheh a ni.