Kum 2021-ah ASF vangin vawk 29,824 an thi

Vawk pùl hri, African Swine Fever (ASF) avangin nikum chhung khan Mizoramah vawk 29,824 a thi a, vawk 10,381 suat a ni bawk.

ASF vanga vawk thi hi a tlahniam zel a, tunkum February hian AH&Vety department chuan ASF vanga vawk thi buaipuina leh a kaihhnawih thilte hi an chinfel theih tawh an beisei a ni.

Nikum October thla khan Mizoramah ASF vangin vawk 1,116 a thi a, November thlaah 140 leh December thlaah 25 a thi a ni.

April 15, 2021-a sorkar laipuiin Mizoramah ASF hri a léng tih a puan hnuah nikum chhung khan district 11-ah ASF lènna (infected area) khua/veng 272 a awm a, rinhlelh khua/veng dang 96 a awm. ASF lenna nia rinhlelh khua/veng 96-ah hian vawk thi 533 a awm a ni.