Aizawlin lawmman a dawng
Sorkar laipuia Ministry of Housing and Urban Affairs hnuaia hmalakna pakhat, Atal Mission for Rejuvenation and Urban Transformation (AMRUT) hnuaia hmalaknaah Aizawl chu a ti ṭha zual zingah a tel a, lawmman cheng nuai 115 a dawn tih a tarlang.
Sorkar thuchhuah tarlan danin, AMRUT hian state zawng zawng (khawpui 500)-te'n an tihhlawhtlin tur a bituk 11 zingah khawpui inrêlbàwl dan te, mipui mamawh pawimawh phuhrûk chungchang te, faina lama hmalaknate a huam.
State tinin an assessment-te a thehlut a, chu chu Independent Review and Monitoring Agency kaltlanga endik niin, lawmman dawng turin 75% hmuh phak a ngai a ni.
Tun ṭum hi Aizawlin lawmman a dawn ṭum thumna a ni a, tun ṭuma a dawn hi kum 2017-a hmalakna vang a ni. Kum 2015-16 leh kum 2016-17 khan cheng nuai 163 leh nuai 180 a lo dawng tawh bawk.