Biate-ah faina kawngzawh huaihawt

UDPA department-in kumina khawpui fai inelna a siama inbuatsaihna atan Biate khua chuan nimin khan an khuaah Cleanliness Drive an buatsaih. Biate hi kum 2017 khan Mizorama census town zinga fai berah thlan a ni.

Biate Town Sanitation Task Force bultuma ni­min zinga Biate-a faina kawng­zawhah hian zirlaite bakah khawtlang mipui ṭhahnem tak an tel a; faina lam hawi thuziak chi hrang hrang an ken bakah, an au rual a ni.

Kawng zawhnaah hian V/C president RV Hluna, Sanitation Task Force member secretary Dr Vanlalchhuanga leh YMA president R Lal­remkunga ten thu sawiin, Mizorama khawpui fai ber ni leh tura theihtawp chhuah turin khaw mipuite an fuih.