Cancer Detection Clinic buatsaih a ni

Cancer Society of Mizoram (CSM) leh Zemabawk Branch MHIP ṭangkawp chuan nimin khan Zemabawk YMA Hall-ah Cancer Detection Clinic an buatsaih a, Mizoram State Cancer Institute (MSCI) director Dr. Zoramthanga'n a hman pui.

Dr. Zoramthanga chuan Zemabawkah hian TB Hospital a awm ṭhin thu sawiin, "Chumi hnuah cancer hospital din leh a ni. Zemabawk khawtlang hian natna khirh tak tak tuarte chhawmdawl hna an thawk mawlh mawlh reng a ni. Zembawk Branch MHIP-te'n Free Cancer Detection Clinic buatsaih an ngenna hi tihhlawhtlinsak an phu hle," a ti.

Free Cancer Detection Clinic-ah hian mi 254 an inentir a, clinic atana senso zawng zawng chu Bank of Baroda, Zemabawkte'n an tum a ni.