Central YMA-in mobile phone service provider-te an kâwm

Central YMA hruaitute chuan nimin khan CYMA Committee Room-ah Mizo­rama mobile phone service provider-te mobile phone service changtlung leh ṭha zawka a awm theih dan tur an sawipui a; CYMA presi­dent Vanlalruata'n a kaihruai.

Sawihonaah hian Cen­tral YMA hruaitute bakah, BSNL, Airtel, Voda­fone leh Jio hotute an tel a; Depart­ment of Telecom­muni­cation director Lalhmachhuana leh Mizo­ram chief informatics officer Lal­thlamuana te an tel bawk.

CYMA hruaitute chuan, Mizoram puma mobile phone-a inbiak theih loh tam lutuk te, internet data muang lutukte chu an vei thu an sawi a; service provider-te chu tun aia ṭha zawka an service kal­pui turin an ngen. Service provider-te'n an dinhmun leh har­satna an neihte an sawi ve thung.

Meeting-ah hian, CYMA leh mobile phone service provider-te chu kawng eng­kima mipui tana thawkho a, harsatna awmte chinfel zel a nih theih nan thawhho zel ni se, an ti a; chuta tan chuan rawtnate an siam a ni.