AEFI Surveillance Workshop buatsaih

World Health organisation, Ministry of Health & Family Welfare leh Mizoram sorkar bultumin, nimin khan Aizawlah State AEFI Surveillance Work­shop neih a ni a, National Health Mission (NHM) director Dr Lalrozama'n a hmanpui.

Dr Lalrozama chuan, hri danna lak a pawimawhzia sawiin, "Thingtlang, hmun harsa lehzual, eizawnna kawngah pawh ni tin feh chhuak ṭhinte hi keimahni'n kan va pan zawk hram hram an ngai a ni," a ti.

Hrilsen a leh natna chung­changah zawhna leh ngaihṭhat lohna a lo awma enfiah thuai a nih theih nan leh hri danna (vaccine) dawngtu leh a petute ngaihngam taka an awm theih dan tur sawihona atan workshop hi buatsaih a ni a; hri danna pek hnua harsatna leh ngaihṭhat lohna eng emaw a awm palha hmalak dan turte zirho niin, mi pangain paper an buatsaihte an sawifiah.