India Skills-a tel turte vailiam

New Delhi-a neih tur India Skills National Competition-a Mizoram aṭanga tel tur mi 12-te chu nimin khan Labour, Employment, Skill Development and Entrepreneurship (LESDE) secretary Lalramsanga Sailo-in Vanapa Hall kawtah a vailiam. Intihsiakna hi January 6-20, 2022 chhungin neih a ni ang.

Lalramsanga Sailo chuan, intihsiaknaa tel turte chu duhsakna a hlan a, “Mizote’n talent ṭha tak tak kan neihte pho chhuahna hun turah hian in thiam leh theihna neihte tipungin, malsawmnaah chantir ang che u,” tiin a fuih.

Mi 12-te hi bakery (chhang ur), carpentry (mistiri hna), fashion technology (thawmhnaw lam), floristry (pangpar khawi), hair dressing (sam siam), hotel reception, painting & decoration (thil chei), plumbing & heating leh welding trade-ah an tel dawn a; intihsiakna hi an paltlang chuan World Skills 2022, Shanghai, China-ah India aiawhin an tel leh dawn a ni.