KHAWTHLIR

MTKP inkhawmpui
Mizoram Thalai Kristian Pawl (MṬKP) hruaitute nimina Serkawn, Lungleia Sap Upa leh Pu Buanga Hall-a an ṭhukhawm chuan February 14-17, 2019 chhunga Tlabunga MṬKP Inkhawmpui neih tur thupui atan 'Pathian hmangaihna' tih an thlang. MṬKP meeting hian MTKP rorel bawhzuina atan September 2018 chhungin career guidance booklet tihchhuah leh Lungleia sikul ṭhenkhatah awareness campaign neih an rel bawk.

Election training
Nimin khan Mamit DC Conference Hall-ah district election officer Bhupesh Chaudhary, bawrhsap hoin District Level Election Training neih chhunzawm a ni a; kumina Assembly inthlanpui neih tura sector officer, returning officer leh assistant returning officer-te telin, 'Vulnerability mapping' tih thupui leh 'Polling party and poll day arrangement' tih thupui hmangin thil pawimawhte zirtir an ni.

Sialsuk thlang
Planning department buatsaih My Project, My NEDP - Mipui Mamawh Inṭawm Ruahmanna (MiMIR) hnuaia Aizawl district-a inelnaah August 1, Nilaini khan result puan a ni a; project concept paper ṭha berah Sialsuk khaw project ‘Sialsuk Ecotourism Development Innovation Project (SEDIP)’ thlan a ni. He inelnaah hian Aizawl district-ah hian khua leh veng 70 aṭangin project a lut a ni.

Sikul hawng
MLA TT Zothansanga chuan nimin khan a bial chhunga North Khawbung High School building thar a hawng. Sikul hi Border Area Development Programme (BADP) sum cheng nuai 17 sênga sak a ni a; a dung ft. 60 leh a vâng ft. 18 a ni. North Khawbung H/S-ah hi kum 1997 a din ni a, zirlai 34 leh zirtirtu parukah an awm mek a ni.