Swachh Bharat-in Rs vbch 15,000 hmuh belh dawn

Union cabinet chuan financial year 2018-19 atan Swachh Bharat Mission (gramin) tana cheng vaibelchhe 15,000 pek belhna tur extra-budgetary resources (EBR) a pawm.

Law Minister Ravi Shankar Prasad chuan fund hi ramchhung thingtlang khaw hrang hrangte pawn lama inthiarna awm lohna khuaa siam tura hmalakna turin hman a ni dawn tih a sawi. Hei bakah hian cabinet-in EBR a pawm tak hi Swachh Bharat Mission hnuaiah thingtlanga chhungkaw vaibelchhe 1.5 velin an chhawr thei dawn a, Gram Panchayats for Solid and Liquid Waste Management (SLWM) hmalakna tur atan pawh a ṭangkai dawn tih a sawi.

Swachh Bharat Mission (gramin) hi kum 2014, Ocotober 2 khan bul ṭan a ni a, he mission hnuaiah hian kum 2019, Ocotber 2-ah rural area chu tuamchhuah vek hman tum a ni.

Cabinet chuan EBR fund a dawn theihna turin “International Centre for Drinking Water Quality” society hnathawhna huang tihzauh a remti a, hei bakah hian he society hming hi “National Centre for Drinking Water, Sanitation and Quality” tiin a thlak bawk.

Prime Minister Narendra Modi-a kaihhruai Cabinet Committee on Economic Affairs chuan state pasarih-a KendriyaVidyalayas (KVs) 13 hawn tharna tur leh, Madhya Pradesh-a Ratlam district-a Jawahar Navodaya Vidyalaya(JNV) dinna tur a pawm bawk.

KV thar din rawtna hi committee chuan 'challenge method' hnuaiah a endik a ni. KV 13 din thar turah hian zirlai 13,000 an awm thei dawn a ni. KV hian tunah hian zirlai nuai 12 chuang a nei mek a ni.