Karnataka hmarlam bialah bandh huaihawt

Karnataka hmarlama district 13-ah nimin khan an bial ngaihthah a nih vanga lungawi lohna lantirin Kannada activist leh political pawl hrang hrangten bandh an huaihawt.

Activist-te chuan tun hnaia Chief Minister HD Kumaraswamy-an state budget a pharhah an bial tana sum pek chungchangah thliarhran an ni tih an sawi a, hei bakah hian Karantaka state cabinet-ah an bial aiawh an awm ṭha tawk lo niin an sawi.

Bandh hi a tirah Uttara Karnataka Pratyeka Rajya Horata Samiti huaihawt a ni a, mahse CM in an thil phutte ngaihtuah a tiam avangin an inhnukdawk leh a ni. Uttar Karnataka Raitha Sangh chuan bandh hi an kaltlangpui a, activist eng emaw zatin an thlawp bawk.