Ramri ngaihtuahtu Committee aṭangin MZP an inhnûkdâwk

MZP chuan, Chief Minister kaihruaina hnuaia Mizoram leh Assam ramri ngaihtuahtu tur committee din, Core Committee aṭangin inhnuhdawh an tum thu an puang a; Bairabi Zophaiah hun remchang hmasa berah chawlhbûk sak an tum thu an sawi.

MZP chuan thuchhuah siamin, ramri chungchang ngaihtuahtu Core Committee chu May 21, 2018-ah din a ni a, member-ah MZP aiawh pawh telh a nih thu an tarlang a, "Core Committee hian July 2018 ral hmain Chief Minister-ah report an thehlut tur a nih laiin, tun thlenga report an la thehluh theih loh avang leh, Core Committee hmalak tawhnate'n awmzia a nei theih loh avangin tel zui zelna tlakah kan ngai lo a, Core Committee aṭangin kan inhnukdawk ta a ni," an ti.