Mau hmanga thil siam sawiho

January 4, Thawhlehni tlai khan N Ranga Rao & Sons Pvt. Ltd. hotute chuan chief minister Zoramthanga a pisaah an kâwm a; mau hmanga thil siam chungchanga Mizorama hmalakna awm theite an sawipui.

N Ranga Rao & Sons hotute chuan, mau aṭanga agarbatti, skewer, chop stick leh thil dang siamnaah mau an hman tam zawk chu ram páwn aṭanga lak luh a nih avangin Mizoram chhunga mi ngei mau hman tur a awm chuan an duh thu an sawi a; Mizorama mau chi hrang hrang zingah thil siam chhuahna atana ṭha turte enho ni se, an ti.

Chief Minister Zoramthanga hi Commerce & Industries director Florence Zotluangpuii leh Bamboo Development Agency (BDA) aiawhte'n an ṭawiawm a ni.