Assembly Secretariat-a thawktute infuih thar

Mizoram State Legislative Assembly Secretariat-a thawkte chuan nimin khan Assembly Annexe conference hall-ah speaker Lalrinliana Sailo leh deputy speaker Larinawma hoin kum 2022 atana inhlanna leh infuih tharna an hmang.

Speaker Lalrinliana Sailo chuan, an hnathawhna chu hun tam tak an hmanna hmun a ni tih sawiin, "Mahni insiamṭhatna leh hmasawnna tur ngaihtuah a, rilru inbuatsaihna nen kum 2022 hman a pawimawh," a ti a; kum 2022 chu Mizoram Legislative Assembly golden jubilee kum a nih thu sawiin, "A lawmna buatsaih chungchangah thawktute ṭhahnemngaihna leh inpekna nasa tak a ngai dawn a ni," a ti. Mahni hna ṭheuh hriat chian a pawimawh thu a sawi bawk.

Deputy speaker Lalrinawma pawhin thu sawiin, "Thawktute'n kan thawhpuite bula hlim hmél pu chungin hawihhâwm taka min dawrtute hmachhawn a ngai. A tê ber aṭanga a lian ber thlengin chanvo kan neihte rinawm taka thawh kan tum tur a ni," a ti.