Kala Utsav neih mek a ni

Hnam ziaráng chawi nunna leh chawi sanna tura intihsiakna, National Kala Utsav Competition 2021-22 chu January 1, 2022 khan ṭan niin, January 12 thleng neih a ni dawn a; Mizorama zirlaite pawh School Education department conference hall aṭangin an tel.

Kala Utsav hi sorkar laipui Ministry of Education ruahman a ni a, kuminah hian high school leh higher secondary school aṭangin zirlai 15 an tel. Intihsiaknaah hian vocal music - classical, vocal music - traditional folk, instrumental music - classical, instrumental music - traditional folk, classical dance, folk dance, visual arts 2D leh 3D leh, indigenous toys & games-ahte an inel a ni.

National Kala Utsav Competition hi Covid-19 léng vangin nikum aṭangin online hmanga neih a ni a; Mizoram aiawha tel turte chu district level-a intihsiaknaa ti ṭhate an ni.