Rakzu litre 48,850.395 man

Excise & Narcotics department (END) chuan kum 2021 chhung khan rakzu litre 48,850.395 an man a, zu chi dang leh ruihhlo dang tam tham tak an man bawk a; eng emaw zat chu danin a phal angin tihral a ni tawh.

END hian kum 2021 chhung khan rakzu litre 48,850.395 an man bakah, zu bilh lai ṭín 1,17,480, sap zu (750 ml) ûm 16,627, sap zu (375 ml) ûm 997, sap zu (180 ml) ûm 27, beer (650 ml) ûm 51, beer (500 ml) bûr 19,943, beer (300 ml) bûr 76, BEDC litre 2,321.40 leh zu siamna bungbel 2,621 an man a ni.

END-in ruihhlo dang an mante chu - heroin kg. 18.02, ganja kg 292.54, khuh damdawi (cough syrup) phial 1,935, Alprazolam mûm 4,939, Diazepam mûm 130, Tramadol mûm 2,118 leh Methamphetamine kg. 11.85 a ni.