Minister-in in sak ṭanpuina sem

Minister PC Lalthanliana chuan August 4, Inrinni khan a bial Lung­lei North huam chhunga chhungkaw 107 hnenah Chief Minister's Rural Housing Scheme aṭangin in sak ṭanpuina sum Rs. 15,000 ṭheuh a sem.

In sak ṭanpuina hi Haulawng khuaa Hau­siampa Hall-ah sem a ni a, Lunglei BDO Victor Lalawmpuia'n a kaihruai. PC Lalthanliana chuan, CM Rural Housing Scheme chu Mizoram sorkarin New Economic Development Policy a siam hnuaia mi rethei, chenna in ṭha nei lote ṭanpuina tura ruahman a nih thu a sawi a; ṭanpuina dawngtute chu an sum dawnte dik taka hmang tur leh rinawm taka hna thawk turin a fuih.

PC Lalthanliana chuan, tun hnaiah a taksa lamah harsatna (heart attack) a neih avangin ṭha takin a bial a fang thei lo chu pawi a tih thu a sawi a; a damloh chhunga biak­pawh hleih theih loha a awm chungchangah a bial mipuite hnenah hriatthiamna a dil a ni.