Kolasib-ah SVEEP campaign neih a ni

Nimin khan Kolasib DC pisa kawtah Syste­matic Voters Education and Electoral Parti­ci­pation (SVEEP) Cam­paign neih a ni a, Kola­sib-a Election officer Vanlalchhuanawma Chawng­thu-in a hawng. Kolasib SDO (Sadar) Marilyn Rualzakhum­thangi'n SVEEP mobile vehicle a vai liam bawk.

SVEEP Campaign-ah hian vote nei thei tawh, la nei si lote tana vote neih ngei a pawimawh thu sawi a ni a; rilru fím tak pûa mahni duh zawng candidate vote a pawimawh thu te, inthlan ngaih pawimawh leh vote thlak ngei chu khua leh tui ṭhate tih tur a nih thute inzirtir a ni.

Kolasib district level leh Assembly constituency level-a SVEEP Committee member turte ruat a ni a; SVEEP Core Committee-ah chairman chu Dr Arun T, Kolasib DC niin, secretary & district coordinator chu Vanlalchhuanawma Chawngthu, Election officer a ni.