MZU-ah horticultural crop zirhona buatsaih

Mizoram University-ah nimin khan 'Skill and Entrepreneurial Development of Tribal Youth through Value Addition and Bio-prospecting of Horticultural Crops' tih thupui hmangin national level workshop ṭan a ni a, MZU pro vice chancellor Prof. RP Vadhera-a'n a hawng.

Workshop hi MZU-a Department of Horticulture, Aromatics and Medicinal Plants (HAMP)-in an buatsaih a ni a, National Academy of Sciences India (NASI) leh Biotech Park, Lucknow-te'n an sponsor a ni.

Prof. RP Vadhera chuan, Mizoram leilung chu ei tur chawhmeh leh damdawi atana hman chi thlai ṭhat duhna hmun a ni tih a sawi a; Biotech Park hotu Prof. Rishi Shankarhnen chuan NASI hmalakna tlangpui sawiin, "Ṭhalaite'n chu remhriatna leh ngaih­tuahna thar kan neih a ngai a, hei hi hlawh­tlinna hmu tur chuan a pawimawh a ni," a ti.

Workshop hi August 10, 2018 thleng neih tur a ni a; entrepreneurship chungchang, thlai seng tawh sawngbawl dan te, toffee, juice, ginger candy, banana chip leh mango jelly siam dan te, food processing industry din dan te, Medicinal and Aromatic plants lama kawng awm theite zirho a ni ang.