August-ah village council thlan beisei

3rd July, 2020

LAD minister K Lalrinliana chuan, August 2020 tàwp lamah village council (VC) inthlan buatsaih hman an beisei thu a sawi.

Nimina a bial chhunga khaw hrang hrang a fanaah LAD Minister chuan, VC term ding lai chu September 7, 2020 thleng pawhsei a nih thu sawiin, "September 7 hian VC ding laite'n VC thar hnenah charge an hlan a ngai dawn. Chuvangin, August thla tàwp lamah chuan VC inthlan neih hman beisei a ni," a ti.

MNF MLA K Lalrinliana chuan, VC inthlanah MNF party-in hnehna an chan tur thu sawiin, "Hun harsa tak kara MNF sorkar hnathawh mipuiin an hmuh tawh a ni," a ti a; Pathian leh mipuite zarah VC tam tak an la ngei dawn niin a sawi.