Kolasibah ram pass thlirho

Kolasib District Land Committee chu nimin khan district bawrhsap Dr H Lalthlangliana kaihhruaiin DC conference hall-ah an ṭhu a; Kolasib khaw chhung, Rengtekawn leh New Builum aṭanga house pass 61, periodic patta 27 leh land lease pasarih, a vaiin dilna 95 chungchang an thlirho.

Meeting-ah hian settlement officer Lalmuanpuia chuan pass dilna endikna kalpui dan tlangpui sawifiahin, "Dilna lutte chu Land Revenue & Settlement department-a thawktuten a hmunah an endik ṭhin a ni," a ti.

Department hrang hrang aiawh, khawtlang hruaitute leh political party aiawhte meeting-ah hian an tel.