Hâlpuah/hâlmawi hâltu mi pakhat man belh a ni

Aizawl district police-te chuan kum 2021 thlah zana hâlpuah/hâlmawi hâltu mi pakhat tun hnai khan an man leh a, hei nen hian hâlpuah/hâlmawi hàl kaihhnawiah mi pasarih an man tawh.

Police-te chuan, December 31, 2021 aṭanga January 1, 2022 chhungin hâlpuah leh hâlmawi hâltu mi paruk an man a, chumi hnuah chhui zui hna thawkin, tun hnai khan mi pakhat an man belh leh a ni. An mi mante lakah thubuai ziah luh vek a ni a, chhui zui mek dang an nei bawk.

Hetih lai hian, 2021 kum hlui thlah zan hma khan Aizawl district police-te'n hâlpuah, hâlmawi leh silai lem a mû kâp chhuak thei zuar mi 15 an man a, thubuai siamsak an ni.