KHAWTHLIR
Inzawmkhawm
Mizoram Chamber of Commerce (MCC) leh Mizoram Chamber of Industries (MCI) chuan nimin khan khan inzawmkhawm turin inremna an ziak. Office bearer leh executive member turte chu remchang hmasa berah an ruat dawn a, an pawl thupui atan 'Midang tan malsawmna ni ang che' tih an thlang.
Chawimawi leh sunna buatsaih
Mizo National Women Front Headquarters (MNWF) chuan nimin khan ram tana hmeichhe pen chhuakte chawimawina hun leh nunna chante sunna hun Kolasib IPR conference hall-ah an buatsaih. Inkhawmah hian ram tana zalenna sual hmeichhia la dam mi 26 chawimawi an nih bakah, ram tana nunna chan mi pariat sun an ni.
Urban Forest sawiho
Lunglei Town Sanitation Task Force-in a lo rel tawh bawhzuin atan Thawhṭanni khan District Urban Development Office (DUDO) hoin a pisa-ah Urban Forest (Green Space) chungchang sawiho a ni. Urban Forest atan hian Rahsiveng Thlanmual, Venglai Thlanmual, Tarmita Khawthlir leh Lunglei Park (Children's Park)-te thlan an ni.
Minister-in tlangzarh
Rawpui Welfare Committee (RWC), Aizawl te buatsaih 'Kan Lenna Rawpui Vangkhua' tih lehkhabu chu nimin khan Rawpui Community Hall-ah minister PC Lalthanliana'n a tlangzarh. Rawpui Welfare Committee, Aizawl hi Rawpui khaw mi Aizawla awmte inpawh tlan nan leh damloh leh chhiat tawh thila khawpui pantute lo tuamhlawm ṭhin turin kum 1997 khan din a ni.
Fai inelna hawng
PHE, Saitual leh BDO, Phullen buatsaihin nimin khan Phullen BDO training hall-ah faina lama inelna tur Survekshan Grameen (SSG) 2018 chu Siatual PHE huam chhunga khaw hrang hrang 21 te tan hawn a ni a, PHE SDO L Sangromuana leh Phullen BDO Lalrinchhani Ralte-te'n fuihna thu an sawi.